काठमाडौंलाई उहिले कान्तिपुर पनि भन्ने गरिन्थ्यो ...अर्थात "उज्यालो दिपहरुको शहर", जसलाई राजा गुणकामदेवले स्थापना गरेको भनिन्छ ।
किम्वदन्ती अनुसार एकदिन राजा गुणकामदेव पुजामा तल्लिन थिए, बुद्धि,
श्रीसम्पति र भाग्यकी देवी लक्ष्मी प्रकट भइन् र बागमति र विष्णुमतिको
प्रांगणको पुण्य भुमिमा खड्ग आकारमा शहर बसाल्न आज्ञा गरिन् । राजा
गुनाकामदेवले देवीको आज्ञा अनुसार शहर बसाले र पाटनबाट काठमाडौंमा आफ्नो
दरवार सारे । आधुनिक नेपालको राजधानी काठमाडौंको स्वरूप यसैबेला देखि
अस्तित्वमा रहेको पाइन्छ र हालसम्म पनि त्यति बेलाको साक्षात झझल्कोहरु काठमाडौं उपत्यकाको भित्री शहरहरुमा कुना कुनामा भेटिन्छ ।
वंशावली अनुसार यिनै राजा गुणकामदेवले कलिगत संवत् ३८२५ मा काठमाडौं
निर्माण गर्दा देशको रक्षार्थ चारैतिर लुमडी अजिमा (भद्रकाली), कङ्ग अजिमा
(कंकेश्वरी), म्हेपी अजिमा (ज्ञानेश्वरी), मैती अजिमा (मैतीदेवी), तकती
अजिमा (नीलबाराही), ङेतमरु अजिमा (नरदेवी), बछला अजिमा, लुती अजिमा
(इन्द्रायणी) स्थापना गरी खटजात्रा चलाएका हुन् ।
