कविन्द्र राजा प्रताप मल्लको एक कर्तुत

कविन्द्र, नृत्यकार, अभिनयकर्ता, नाटककार र तान्त्रिक राजाको रुपमा चिनिने राजा प्रताप मल्लको तान्त्रिक बिद्या सिद्ध गर्न ६४ यौन आसनहरु पुरा गर्ने क्रममा अन्तमा ११ बर्षको रजस्वला नै नभएकी बालिकाको बलात्कार गरिसकेपछिको एक दृश्य :

रानी रुपवती, राजवती र अनन्तप्रिया तिनै रानीहरु राजा प्रताप मल्लको खोपीमा पुग्नासाथ मुजावाल सुरुवाल र लामो दौरा लगाएकी एघार बर्षकी एउटी बच्चीलाई मुखभरि फिंज भएको, केश फिंजाएकी अनि मृत रुपमा अचानक देख्नासाथ तिनै रानीहरु झस्किन्दै, एकछिन त्यहीं उभिई घोर आश्चर्यमा पर्दछन ।

"ए दिदी, यो के भएको ?" भनी अनन्तप्रियाले राजवतिसंग सोधनी गर्दछिन ।

मृत बालिकाको सुरुवालमाथिको रगतको टाटो देखाउंदै "के भएको भन्ने हेर न ।" राजवतीले अनन्तप्रियालाई देखाउँछिन र पुन: भन्छिन - "रजस्वला नै नभएकीमाथि यस्तो अन्याय ?"

"रुखमाथि चढी पाकेका अम्बा टिप्दै, खाँदै गर्दागर्दै (लासमाथि हात उठाउँदै) यी काँचै अम्बामाथि प्रकृतिको बिरोधमा आक्रमण ? छि: कस्तो अत्याचार ।" भन्दै ढोकाको खापा घचक्क अचेडी खोल्दै "बहुलाको छोराको यो के बहुलट्ठी कार्य ?" भन्दै प्रताप मल्लको अगाडी धिंग उभिन पुग्छिन रानी रुपवती ।

टुक्रुक्क बसी दुवै घुंडाले आफ्नो टाउको च्यापी बसेका प्रताप मल्ल बिस्तारै टाउको उठाउँदै भन्छन - "एक कान दुइ कान तिन कान त भै हाल्यो, अब मलाई मैदान नबनाओ न मेरा महारानीहरू हो ।" भन्दै हात जोर्दछन ।

त्यसपछि बाहिर बसी हेरिरहेका महारानी राजवती ढोकाबाट भित्र पस्दै दिदीसंग बस्दै भन्न लागिन् - "राजा भएर पनि आफ्नै रानीहरुको अगाडी अपराधीको रुपमा लुरुक्क परेर अनुहार बिगार्दै दुवै घुँडा समाई कुक्रुक्क परेर वस्न पर्यो ।" यतिकैमा अनन्तप्रिया महारानी अगाडी आइन् र भनिन = "अपराध गरेपछि सिंह पनि मुसाको रुपमा देखा पर्दो रहेछ" ।

"ए त्रिशक्ति देवीहरू, मैले अपराध गरें ! क्षमा गर या दण्ड, मलाई स्वीकार छ, भन्दै प्रताप मल्ल पुन: घुंडामुनि शिर लुकाउन थाल्छन् ।

(बासुपासाको "प्रताप मल्ल" ऐतिहासिक उपन्यासबाट साभार)