पाहाँचर्हे अर्थात पिसाच चतुर्दशी : लुकु महाद्य: - लुकेको महादेवको कथा

पिसाच चतुर्दशीको दिन नेवारहरुको बाहुल्यता रहेको चोक, बहाल, ननीहरुमा लुकु महाद्य: (लुकेको महादेव)लाई जमिनमुनि खनेर खोतलिंन्छ र महादेव पार्वतीलाई मासु, लसुन,रक्सी,जाँड, बारा, आदि चढाई पुजा गरिन्छ l

महाकाल तन्त्रे शिव बचन शास्त्र अनुसार सत्ययुगको समयमा एकदिन पार्वतीले महादेवलाई भन्नु हुन्छ
"हे इश्वर, तपाइँ देवताको पनि देव महादेव !
तपाइंको अर्धांगिनी हुन पाउँदा म निकै खुसि छु l

 तर म अनेक रुप धारण गरि मद्यपान, मास ग्रहण गर्ने गर्छु,
तपाइँ चाहिं यस्तो खानेकुरा खानु हुन्न l
त्यसैले मलाई अलि अप्ठेरो महसुस भएको छ l"

पार्वतीको यस्तो कुरो सुनेर महादेवले त्यस्तो होइन भन्दै सुटुक्क कसैले नदेख्ने गरि पिसाच रुप धारण गरि मास, मदिरा तथा लावाजन्य खानेकुरा खाएर पार्वतीलाई देखाएछन् l